影片
更多
2021-12-12
1542 浏览
第一次食係朋友介紹嘅滙泉居. 一試難忘. 後來知道老闆喺灣仔開咗齊魯家宴. 菜式基本上一樣. 高級格局. 有包房.今晚嘅菜單比較經典. 我見隔離枱食’鹿’宴. 有機會再研究下. 冷盤山東涼菜. 即係中式沙律. 有菜. 有蒜. 比較特別嘅係落咗豬耳. 溫度會俾西餐食嘅沙律暖少少. 其他地方食唔到. 必點.冷盤芥末蹄筋. 個芥末味出色. 蹄筋就麻麻. 有一件半件唔夠腍. 同埋唔入味.炸臭豆腐. 掂. 其實唔多餐廳做臭豆腐. 呢間十分出色. 夠臭. 外脆內熱. 個甜醬同豆瓣醬同街邊嘅味道好接近. 之前亦都試過少有嘅蒸臭豆腐. 都得.花膠螺頭瘦肉湯. 我鍾意飲湯. 所以我覺得幾好味. 但其實呢個係今晚失敗之作之一. 我飲唔到螺頭味. 個服務員可能係兼職. 第一碗係冇花膠. 我添飲第二碗先見到花膠. 我估計今晚嘅朋友都係飲咗一碗”瘦肉湯”.九轉迴腸. 今晚驚喜之一. 之前都知道係山東名菜. 要預訂. 我今次第一次食. 豬大腸. 好入味.煙燻白鱔. 齊魯家燕宴嘅名菜. 必點. 煙燻味好香. 白鱔彈牙. 係滙泉居食過嘅皮係脆嘅. 呢度唔夠脆. 問過經理. 原來煙燻係山東菜嘅特色. 之前有朋友試過點餐
今晚嘅菜單比較經典. 我見隔離枱食’鹿’宴. 有機會再研究下.
冷盤山東涼菜. 即係中式沙律. 有菜. 有蒜. 比較特別嘅係落咗豬耳. 溫度會俾西餐食嘅沙律暖少少. 其他地方食唔到. 必點.
冷盤芥末蹄筋. 個芥末味出色. 蹄筋就麻麻. 有一件半件唔夠腍. 同埋唔入味.
炸臭豆腐. 掂. 其實唔多餐廳做臭豆腐. 呢間十分出色. 夠臭. 外脆內熱. 個甜醬同豆瓣醬同街邊嘅味道好接近. 之前亦都試過少有嘅蒸臭豆腐. 都得.
花膠螺頭瘦肉湯. 我鍾意飲湯. 所以我覺得幾好味. 但其實呢個係今晚失敗之作之一. 我飲唔到螺頭味. 個服務員可能係兼職. 第一碗係冇花膠. 我添飲第二碗先見到花膠. 我估計今晚嘅朋友都係飲咗一碗”瘦肉湯”.
九轉迴腸. 今晚驚喜之一. 之前都知道係山東名菜. 要預訂. 我今次第一次食. 豬大腸. 好入味.
煙燻白鱔. 齊魯家燕宴嘅名菜. 必點. 煙燻味好香. 白鱔彈牙. 係滙泉居食過嘅皮係脆嘅. 呢度唔夠脆. 問過經理. 原來煙燻係山東菜嘅特色. 之前有朋友試過點餐牌冇嘅倉魚. 唔掂. 所以都係白鱔穩陣.
草綑牛骨. 又係齊魯家宴名菜. 類似牛筋腩. 腍. 有牛味. 餐廳提供左兩個醬汁. 一個係類似黃芥末. 另一個係類似甜豉油. 我建議點甜豉油.
寧夏灘羊腿. 灘羊其實係羊嘅品種. 羊肉入味. 幾腍. 但就冇咗羊嘅羶味. 我就覺得幾好食. 但係可能有朋友覺得唔似食緊羊肉.
師傅好有心機用青蘿蔔雕咗個有鬚嘅羊頭. 有個朋友話要攞返屋企做聖誕禮物.
豆苗. 好食.
齊魯鱍魚水餃. 係唔係經理打錯字呢? 上次係巴魚水餃. 又有人話係膠魚水餃. 講返食物. 就係水餃皮裏面包住一舊魚肉. 幾特別.
甜品係拔絲鴛鴦. 雙拼香蕉菠蘿. 個拔絲好有心機. 成個頭咁大. 好學嘅朋友查證原來拔絲真係源自於山東.
究竟乜嘢係山東菜魯菜我真係唔知. 齊魯家宴嘅菜式好特別. 其他地方食唔到. 每次都回味無窮. 食完第二日我已經計劃緊下次飯局.
张贴
