婆婆珈琲屋

营业中

休息中

因為朋友咁啱喺附近要上堂，突然間諗起一間好靚好精緻嘅餐廳，興致勃勃咁帶咗佢上嚟！佢都好開心，因為以打卡嚟講真係好靚！同埋服務都算合理嘅！但係一年前好靚嗰啲碗碗碟碟已經唔見咗、三份套餐嚟到都係差唔多樣，冇乜特別！講返嘢食，真係好恐怖，好得人驚！唔知點解佢可以將啲嘢整到咁難食！芋頭係爽嘅，薯仔係爽嘅，紅蘿蔔都係爽嘅，即係全部蔬菜都唔熟透！跟住個熱草莓焙茶Latte，冇士多啤梨味，重點啲奶係凍嘅，一杯淺色嘅無味，令一杯深色到有苦味！三文魚奶油燉菜都係烚熟啲嘢加Pat奶油！個牛肉好似湯渣咁，除咗環境靚啲，想食嘢嘅朋友唔好來！嘢食真係超級難食㗎喇，但最後係想讚一讚佢杯水，真係好靚，用咗蝶豆花有少少粉藍色，跟住真係唔知有咩好食！