牛大人台灣火鍋吃到飽 (加拿芬廣場)

营业中

休息中

秋風起，又黎到瘋狂打邊爐既季節！首選一定係無論地點、價錢、質素、種類都極高既牛大人！放工衝黎好好彩仲有位可以即入🫶🏻，一坐低即刻點返十碟牛等開餐😌。湯底係經典既紅燒牛骨鍋，味道濃郁得黎重點係食完唔會好頸渴！我見仲可以成包湯底買返屋企。牛肉個人最鍾意安格斯牛小排，牛肉味濃而且入口較溶。另外仲有期間限定既SRF黑牛後腿肉，呢款脂肪夠少，食多幾碟都唔怕。今日牛胸爽無供應，希望下次黎會有啦！自助區既選擇亦好多，連麵都有好幾樣揀。推薦蟹柳、粟米同凍豆腐。QR Code 必點配料炸午餐肉、鴨血同蟹籽墨汁漿！飲品白桃烏意同桂花烏龍都係我至愛，比較甘甜，冬瓜茶都唔錯。甜品Movenpick 士多啤梨雪糕做如尾，好滿足。限時120分鐘，夠鍾就有人提你last order，埋單，落甜品同交枱，但時間都好充足。個人覺得尖沙咀分店無旺角咁多人，walk in有位既機會大D。