鮨逸

营业中

休息中

又一年結婚周年紀念，當然選擇了太座至愛的Omakase，來訪鮨逸一試非常抵玩的25道菜set。三道前菜為沖繩水雲伴以蟹肉和酸汁，北海道鮟鱇魚肝佐柚子海帶，和鱈魚白子伴柚子酸汁，酸甜開胃。四道刺身，爽甜粒貝洒上竹灰鹽。真鯛卷有海膽豆腐，淡淡鹹香。原隻北寄貝加上青檸汁和芥末，十分清新。龍蝦刺身新鮮緊緻，無得輪。第一輪壽司，真羽太加入三升漬，肉質緊緻結實。赤貝加入青檸，清新爽脆。縞鰺油脂豐富。回到刺身環節，蟹膏豆腐伴松葉蟹，香滑鹹鮮十足。鰤魚以柚子胡椒提味，十分彈牙。北海道牧丹蝦伴蝦頭膏，十分新鮮。大船渡灣真蠔肉質creamy。第二輪壽司白劍貝加上柚子青檸汁，十分煙韌。花魚以火灸迫出油份。右口魚伴肝醬 十分結實，有淡淡油香。吞拿伴海膽和蘿蔔苗，味道平衡。北海道紫海膽伴炸紫菜，鮮味久久不散。煮物有磯煮鮑魚伴蟹膏醬軟稔入味。金鯛煮魚鱗半煎炸至香脆。松葉蟹伴醋啫喱和炸紫蘇，清新鮮甜。拖羅卷伴大蔥鰹魚碎，油脂香十足。海膽伴沖繩淡雪鹽清甜， 還有香甜玉子布丁。龍蝦頭味噌湯香甜肉鮮，還有靜岡蜜瓜伴椰子雪糕，完美作結。