影片
更多
2007-03-13
15 浏览
上星期參加大局食飯,呢個一帆風順真係令我太難忘,忍唔住要即刻約班朋友再.一早已訂定一帆風順同生炒糯米飯. 上次臘味飯d飯麻麻,聽聞生炒會好d,所以一齊訂埋.雖然只得五美女,但一個一帆風順加糯米飯再加一味釀花菇已經好夠. 其實一帆風順有個細版但無冬瓜,不過我太鍾意食冬瓜同飲佢個魚湯,所以有理無理都照訂. 其實訂菜係要落訂架,不過因為上星期先食完,經理重記得我地,所以先唔使交訂金.今之d龍躉肉唔夠爽,不過依然鮮甜,美女們一致讚好(好彩!!). 因其中一美女遲大到,叫佢地再番熱d魚佢地都好樂意.生炒糯米飯果菜比臘味飯正好多. 炒出乾濕適中,好軟熟,值得一試.唯一侍應見得番我地一檯,講野好大聲,當我地無到咁,不過算啦,呢d地方唔可以咁高要求喇!!
一早已訂定一帆風順同生炒糯米飯. 上次臘味飯d飯麻麻,聽聞生炒會好d,所以一齊訂埋.
雖然只得五美女,但一個一帆風順加糯米飯再加一味釀花菇已經好夠. 其實一帆風順有個細版但無冬瓜,不過我太鍾意食冬瓜同飲佢個魚湯,所以有理無理都照訂. 其實訂菜係要落訂架,不過因為上星期先食完,經理重記得我地,所以先唔使交訂金.
今之d龍躉肉唔夠爽,不過依然鮮甜,美女們一致讚好(好彩!!). 因其中一美女遲大到,叫佢地再番熱d魚佢地都好樂意.
生炒糯米飯果菜比臘味飯正好多. 炒出乾濕適中,好軟熟,值得一試.
唯一侍應見得番我地一檯,講野好大聲,當我地無到咁,不過算啦,呢d地方唔可以咁高要求喇!!
张贴