更多
2016-11-05
94 浏览
我係一個串燒迷,幾乎每個月都至少要食番一餐串燒先安樂架。今日唔打唔撞發現左一間超正既串燒店,堅要打食評讚下!餐廳叫川燒,而佢張點餐紙都霸氣過人。一打開見到蟶子王就即刻點左,果然無令我失望!蟶子真係非常肥美,燒完後仍保留原有鮮味,再加上蒜香蔥花,真係用心製作,好惹味!其次廣島蠔又係好好味,隻蠔唔會燒到萎縮曬,好有口感,一啖成隻食落口,正另外叫左兩款腸做小食,墨魚汁同普通款,兩種腸各有特式,但我自己偏愛墨魚腸點少少沙律醬比就咁食更好味食燒野下,仲有d川野比客人點。叫左個海蜇青瓜同麻辣撈丁。本身唔太食得辣,不過愈食愈麻種感覺真係好正,愈麻就愈想食。食左咁多肉呀,海鮮,都要叫下蔬菜。叫左個燒茄子,上面又係佈滿蒜蓉同蔥,非常適合我的口味食到最後,叫左個燒菠蘿做甜品,消下滯。菠蘿都幾新鮮,食落口都無渣川燒成間餐廳真係無野唔好食,樣樣食物水準都好高真係定時定候都要來開飯呀!
一打開見到蟶子王就即刻點左,果然無令我失望!蟶子真係非常肥美,燒完後仍保留原有鮮味,再加上蒜香蔥花,真係用心製作,好惹味!
张贴