蕃滿門 (已結業)

話說2019-6-2因在九展有活動，於是一家大细過了去，活動完在商場玩咗陣，諗住食埋晚飯才回家，點知就出事了！當日叫了一個飯，一個番茄螺絲粉，由於番茄湯濕濕地好錫小朋友口味，我兩個女兒，一個3歲一個5歲一陣已食完一大碗！之後我老公包底！點知第二日一早，大小女兒開始出現肚瀉、嘔、不停叫肚痛，仲高燒至40度，而爸爸亦開始一日瀉了八、九次。之後帶她們分別睇了兩次家庭医生，但肚瀉仍然不止，及仍然發燒，結果兩個女兒都要入住養和医院！中了沙門氏菌！！後來進院後聽姑娘講才知原來我們2號光顧那天，一共有32人一樣食物中毒！好彩女兒們現正康復中，但人仔細細就經歷入院拮豆豆之痛，那聲嘶力竭的哭聲，媽媽心也碎了！希望依間餐廳能吸取教訓，做個有良心的食物商家，管理好衛生，食物真係可以食死人的！