棠記麵食店 (已結業)

首先我覺得呢間店煮既麵比較正宗﹐湯底真係飲得出係用蝦頭蝦殼所熬出黎﹐宜家好少麵店仲係咁做﹐同D麵真係好彈牙好好食﹐其他地方果D十蚊碗大大碗既無得比﹐雲吞唔係大粒不過裡面D肥肉同瘦肉既比例岩岩好﹐鮮蝦又幾彈牙﹐$19 碗麵可能比較貴﹐不過可以食到正宗既雲吞麵都算物有所值﹐尤其係夜晚既肥仔哥哥煮麵仲特別好食﹐下午個阿叔就差少少喇。另外﹐佢既炸雲吞都好好味﹐真係好正﹐同埋佢地D阿姐個個態度都好親切﹐值得一讚。可能大家會覺得D麵可能比較細碗﹐不過呢D正正係正宗雲吞麵既特色。