上海婆婆 (已結業)

母親節呢的大日子走唔甩食中餐，一家人決定食上海菜，大眾化啲，大人細路都有野岩上海菜點少得小籠包，算有水準，豬肉調味幾香，輕輕夾起冇穿到，皮薄咬開有湯雪菜肉絲炒年糕清清地岩長輩，我冇乜興趣，年糕都有嚼勁，可以一試松子黄魚，魚肉幾滑，炸得好香脆，酸甜汁開胃，略為稠身，冇咩骨岩哂一家大細肴肉好食，有肥肉夾雜但不膩，點少少醋更惹味炒飯好香，有鑊氣而且飯粒粒分明，不過非常多油又重口味，再加上臘腸.....血壓上升紅油炒手雲吞好大隻，紅油汁有好香蒜味，小小辣岩岩好，味道都重但唔會話好咸芥未香酥蝦仁賣相不太吸引，蝦炸得香，裏面隻蝦夠爽不過冇鮮味，芥末又有奶味，唔知係咪fusion？！總之好怪賽螃蟹一般，蛋白都夠滑，味唔夠鮮，唔明點解要放舊西蘭花，影響美感整體出菜慢，服務可以啦，大時大節咁既價錢已經算超值！