芝樂坊餐廳

由於慶祝阿B，15個月大，所以出左去食飯，亦由於我阿爸未食過芝樂坊，所以帶佢去試下。叫左肉丸意粉、辣肉腸pizza、班戟同埋牛柳。由於牛柳我阿爸自己食晒，未影相已經食到樣衰衰咁，所以無影。個意粉同肉丸好好味，唔會死死實實，意粉又唔會太淋，pizza夠薄又夠脆好正，個班戟就我老婆叫的，厚過麥記，但又唔及日式咁鬆軟，都幾好食，但超飽肚。由於餐廳再排我地坐埋一角，夠晒位放BB同架車，非常闊落，感覺良好，而餐廳都有BB椅坐。成餐食左$1100左右，唔算貴。