大美督嘉年華燒烤

营业中

休息中

🐳位於大美督嘅自助任食燒烤場，最啱一家大細嚟呢度燒嘢食，唔使自己準備食物之餘，又唔使自己開爐，但係當然要比開爐費啦，而且任食BBQ價錢都唔算好貴，百幾蚊就可以啦！🐳呢度嘅地方超級大，可以容納幾百人咁多，所以唔使驚好迫，搵唔到位，仲可以自己揀鍾意嘅位置。而燒烤場隔離就有個超巨型嘅彈床，小朋友就最鍾意啦，但係只限星期五六日開放，如果家長要帶小朋友來玩，就記得揀星期五六日啦！如果黃昏之前嚟，仲可以睇到靚靚嘅日落，環境十分優美。🐳食物方面都算好齊全，肉類，丸類，蔬菜類，仲有素食者嘅種類可以選擇，想食幾多就食幾多，但係千祈唔好浪費食物啊！所有食材都乾淨衛生，肉類醃得都好好味，特別係洋蔥豬扒和土匪雞翼，真係食過返尋味！🐳場內仲有啲滑梯，同埋夾公仔機，比小朋友過下手癮。