吉壽日本料理 (已結業)

以前食放題都係食夜晚，呢幾年多咗中午嘅放題，質素拍得住晚巿嘅放題！我地一行9人有大有細，最擔心嘅係限聚令要分開坐，不過餐廳好貼心，安排咗大長枱，有晒隔板，仲要坐得好鬆動一啲都唔覺得逼，畀個讚你👍我全家幾乎係刺身怪，所以一開波即刻叫咗2盤刺身，好新鮮😋三文魚厚切，吞拿魚無筋，章紅新鮮好令身又爽，仲有帶子、甜蝦、虎蝦、北寄貝，真係食完不停要encore😋😋😋壽司都值得order，飯唔太大舊，反而上面係厚切嘅魚生，食完唔會飽晒食唔落其他嘢然後係燒羊架，真係好好食，啲肉又林又滑，一啲都唔會乾憎憎同柴口，四大長老食完忍唔住再番兜咗幾次阿妹皮膚敏感慘慘豬乜都唔食得，點咗個雞粥竟然好好味，一口氣食咗2鍋🤣當然仲有鵝肝手卷、海膽手卷，一啖一個食唔停，最後唔少得雞軟骨、燒牛舌、榴槤炸彈、燒有機蕃薯仔、燒菠蘿等等，估唔到我地呢家人食咗咁多嘢🤣我地由12點食到3點，食足3個鐘，而且咁多嘢食一啲都唔貴，午巿放題人均消費都係150上落，65歲有長者卡仲有得平啲，夠貼心👍