巢私厨川菜 (已結業)

今日同屋企人黎到銅鑼灣呢間巢私廚食吓私房菜，我哋總共叫咗七樣餸🤪呢個巢私廚嘅設計非常有心思，以雀仔為主題，座位好大，連餐具都有雀仔，好可愛啊～賽磅蟹✨賽磅蟹即係炒蛋白，健康之餘又滑又好味，而且份量好大，一家人食都夠，正😋精品毛血旺（$198）✨呢個一大兜乜都有！有鴨血、牛肚、芽菜、午餐肉、大腸、牛柏葉同水魷等等，而且超大兜，真係人多先好嗌呀哈哈🤣青菜煨麵（$58）✨食咗個香辣油膩嘅毛血旺，食返個江抈淡嘅青菜煨麵balance吓就最啱啦😋韭黃銀牙鼓油炒麵（$98）✨呢個食素嘅人都啱食咖。