18巷泰國餐廳 (已結業)

出左銅鑼灣，咁難得約晒成家人。嗱嗱聲book 位。六點打去book 八點半。好彩都有位。大家都唔想食西餐同日本野，咁就㨂左泰國菜。叫左生蝦刺身，d 蝦好厚肉，有咬口，辣椒同蒜頭比例好好，個汁唔會太辣，净係d 蝦無鮮甜味？米紙有蝦有雞肉，個皮比較硬, 老人家同小朋友咬唔到。冬陰公湯分碗同煲。我地無乜人飲，而且碗裝都有三碗！入面有兩隻蝦，都幾足料。菠蘿炒飯正常。生菜包小辣，生菜細棵，全部都好新鮮無黑邊無穿洞。酸魚肉身厚實，小酸味多湯汁，隻魚都有隻半手咁大。咖哩蝦d 蝦有蝦膏，汁夠濃郁，多配菜！要叫兩份蒜蓉包黎食晒d 汁。馬拉盞炒通菜。正常！上面有蝦乾，但太硬！炒金邊粉d 腰果好香脆！乾身唔濕。好味叫埋野飲，平均每人$230 左右，響銅鑼灣區都算抵食。