羲和雅苑

营业中

休息中

好耐都冇試過夜晚出嚟食啦，難得一家人可以一齊出嚟食，就梗係要食好啲啦，上網睇到呢間嘅食評都唔錯，於是就來試吓。先來第一樣嘅重頭戲，當然係呢度最出名嘅烤鴨啦。由於我地人多嘅關係，我地叫左一隻，呢度一種特別嘅食法,就係加埋爆炸糖，然後好似平時食片皮鴨咁食，呢種食法我之前未試過，真係新奇又有趣。另外仲叫咗三個湯，酥皮酸辣湯，個酥皮做得好香口山藥燕窩羹仲有個松露海皇羹，松露味非常濃郁三個味道都唔錯，我都係第一次食一個鹹嘅燕窩，味道又幾得意喎另外仲叫咗個韮香雞半隻，雞肉一啲都唔鞋口。非常滑。韭菜切成粒粒，全部韭菜都有雞味，好易入口。再來就係花蜜汁雞翼。個做法我冇估錯應該就係先炸完，然後再淋蜜糖汁雞翼上嚟嘅時候熱辣辣，個蜜糖汁再加埋雞翼嘅表面炸得非常趣非常香口。另外仲有叫咗個一人份量蠔仔泡飯，同埋有個一人份量擔擔麵。蠔仔數埋大約有五粒，都算新鮮。擔擔面嘅味道好特別係我之前未食過嘅，我估應該係用麵豉醬整。味道都唔算太辣。麵身比較幼。總括來講，整體嘅質素都唔錯，可以的話，我會再和家人來一次。