千葉鳥

营业中

休息中

日日叫外賣，今日點都出去食個飯，夜晚冇咗堂食，唯有改食午餐，喺附近搵咗呢間居酒屋。好，坐低睇吓有咩好食先。醬油漬牛舌拉麵，每一片牛舌都煮到啱啱好，仲係中間最嫩嘅部位，拉麵夠彈牙。雪花牛肋條咖喱飯，日本咖喱食落唔會太辣，拌飯一流，仲有四五件，大大件牛肋條，炆得好腍，唔會有筋，好好味。跟餐送小食仲有三件壽司，魚生都新鮮飽滿。芝士年糕，好耐冇食啦，外層炸到香脆，中層煙韌，裏面係流心芝士，正！章魚小丸子，燒得唔錯，個皮唔厚，唔會食到一口粉，章魚大大粒，仲有海量醬汁加木魚。