皇室冰廳 (已結業)

今日去咗長沙灣附近做嘢！做完嘢之後有少少時間可以快速咁食個lunch！於是就行咗入去邊一間皇室冰廳度食飯啦✌🏻我自己真係好鍾意香港嘅冰廳，好有特色同埋價錢真係好平！今次我自己就試咗呢一間餐廳嘅招牌菜，就係呢一個焗鮮茄豬扒飯😎好耐都冇食個焗豬扒飯啦，突然之間見到就好想試吓！唔好睇小呢個豬扒飯，豬扒真係好大塊同好厚！但係食落去嘅時候一啲都唔會覺得好乾！反而係好林同埋好Juicy嘅感覺👍🏻另外，呢一度嘅鮮茄醬汁亦都係好好食嘅，用新鮮蕃茄烹調！加埋炒飯！非常開胃！