定食 Doraya (厚福街)

今日去開尖沙咀，經過厚福街，記得樓上有間定食 DORAYA，上次幫襯都係銅鑼灣店，今次第一次去尖沙咀店，原來大間咁多，今日我早左到，好彩唔駛等好耐算有位。

我今次來呢度目的一定係食藍鰭吞拿魚。不過餐牌内都有不同部份可供選擇，咁大拖羅腩肯定我推介啦，所以我今次叫左個藍鰭吞拿魚大拖羅腩丼定食。

你睇呢份大拖羅，賣相幾靚，相片中已經見到拖羅油分充足，每一件拖羅腩入口後就feel到D魚油香好似爆出咁，渗哂係咀内，真係好正。而且個飯係暖嘅，魚油的油分亦渗左係D飯内，連飯都有魚油香。

定食仲有個等蒸蛋，蒸蛋好滑唔差。

好老實講，藍鰭吞拿魚我覺得呢間最正，食到日本嘅味道，滿足下我地「思鄉」的感覺。