迷日食堂

营业中

休息中

喺荃灣返工嘅我，通常lunch hour都係叫外賣😋。今日心血來潮想食日本嘢，所以就走咗去隔離天保大廈到買日本便當😋去到嘅時候見到個Menu有章魚燒，我又忍唔住要咗一份大阪白蔥章魚燒。呢個章魚燒超正宗。整到外脆內軟，而且入面嘅章魚超級大粒。連埋白蔥一齊食，完全可以帶出左章魚嘅鮮味。超正👍🏻除咗章魚燒，我仲叫咗個廣島蠔魚餅弁當。賣相好吸引。即刻試咗個炸豆腐魚餅先。魚餅好大件，而且好香嘅豆腐味。豆腐同魚真係好夾😋之後就食炸廣島蠔。炸到啱啱好，炸粉非常薄。蠔肉非常豐滿，多汁。非常滋味。最後就食埋四色波波做結尾。呢一餐真係超滿意同超Perfect。我一定會推介俾同事試😋😋😋😋