影片
更多
2021-11-04
1392 浏览
天氣帶少少涼意，最好就梗係打邊爐或者食海鮮蒸鍋，今日就去咗小漁港海鮮舫呢間口碑相當好，專食蒸鍋海鮮既菜館，好多介紹推介一定要食$298套餐，超級扺食同埋好多野食，大胃王（即係我）都一定夠飽。菜館地址響太子荔枝角道，地鐵出左行6-7分鐘就到，門口好光猛，加上大大個魚缸養住好多新鮮海鮮，好易認，今日Book 左8:30，去到仍然座無虛席，好多客人都響門口等緊位，我哋等左大約10分鐘就入得，安排左我哋二人坐卡位，非常寬躺，坐得舒服👍🏻坐低點餐後，姐姐會叫你自選一枝飲品先，跟住就去醬料架自己調配你喜歡既醬料（芫荽，䓤，辣椒，蒜蓉，炸蒜……….樣樣齊，之後就可以返埋位等食，值得一讚服務超好，全程有姐姐幫你睇住蒸爐時間，夠鐘會幫你夾埋落碗，又會提埋呢樣要快食，凍左唔好食，真係好貼心👍🏻🍲海鮮蒸鍋套 餐$298 （星期一至四免加一）真係多嘢食度胃口細啲都搞唔掂▪️自選飲品🥤有汽水，啤酒，涼茶等飲品可以任均選擇，我哋就揀咗鴻福堂嘅銀菊露同埋鹹柑桔▪️餐前小食🫓(燒雞泡魚乾）開開胃口嘅餐前小食，雞泡魚燒得脆口煙韌，加埋沙律醬一齊食，送啤酒一流▪️時令刺身🐟分別有，三文魚，帶子，北寄背，油甘魚，同埋特大嘅甜蝦，
菜館地址響太子荔枝角道，地鐵出左行6-7分鐘就到，門口好光猛，加上大大個魚缸養住好多新鮮海鮮，好易認，今日Book 左8:30，去到仍然座無虛席，好多客人都響門口等緊位，我哋等左大約10分鐘就入得，安排左我哋二人坐卡位，非常寬躺，坐得舒服👍🏻
坐低點餐後，姐姐會叫你自選一枝飲品先，跟住就去醬料架自己調配你喜歡既醬料（芫荽，䓤，辣椒，蒜蓉，炸蒜……….樣樣齊，之後就可以返埋位等食，值得一讚服務超好，全程有姐姐幫你睇住蒸爐時間，夠鐘會幫你夾埋落碗，又會提埋呢樣要快食，凍左唔好食，真係好貼心👍🏻
🍲海鮮蒸鍋套 餐$298 （星期一至四免加一）
真係多嘢食度胃口細啲都搞唔掂
▪️自選飲品🥤
有汽水，啤酒，涼茶等飲品可以任均選擇，我哋就揀咗鴻福堂嘅銀菊露同埋鹹柑桔
▪️餐前小食🫓(燒雞泡魚乾）
開開胃口嘅餐前小食，雞泡魚燒得脆口煙韌，加埋沙律醬一齊食，送啤酒一流
▪️時令刺身🐟
分別有，三文魚，帶子，北寄背，油甘魚，同埋特大嘅甜蝦，二人份量都咁大盆，而且樣樣鮮味，好正💛順帶一提佢哋嘅Wasabi超級攻鼻，點少少就夠
Round 1 🐠🦐海鮮
▪️馬友魚～原來係咁滑，重好鮮甜
▪️鮑魚～爽口彈牙冇得輸
▪️海蝦～細細隻嘅海蝦，肉質爽脆
▪️蒜蓉粉絲蒸帶子～帶子原來好大隻，重好鮮甜，加埋粉絲吸哂啲帶子汁同埋蒜蓉一齊食超正
Round 2 🦞海鮮
▪️超大隻賴尿蝦～上枱嘅時候係仲識郁嘅，好新鮮生猛，好大隻啖啖肉，肉質鮮味好彈牙，新鮮即係新鮮
Round 3 🦪海鮮
▪️大蜆～大隻，多汁，冇沙
▪️生蠔～蒸到啱啱熟，蠔身好飽滿，好多汁
▪️青口～呢個就正正常常
Round 4 🦀海鮮
▪️超大膏蟹
呢隻蟹D膏多到滿寫，蟹膏好甘香，真係拍得住大閘蟹嘅膏，而且蟹肉仲好多，全晚我最愛呢隻蟹，第一名🤩🤩
Round 5🐔主食
▪️蟲草蒸雞
▪️烏東
主食係蟲草蒸雞加烏冬，雞調味剛剛好，
肉質鮮嫩，加上蟲草帶點藥膳味道，最鍾意，烏冬吸晒啲雞汁，好好味，平時對烏冬一般般嘅我，都食咗好多😂
🥬蔬菜時間
▪️粟米
▪️芋頭
▪️絲瓜
▪️日本小番薯
食咗咁多海鮮同埋肉一定要有啲蔬菜中和下，呢幾款蒸嘅蔬菜，不需加任何調味料，食返蔬菜嘅原味已經好好味
▪️海鮮精華排骨粥🍲
全晚嘅精華所在，一開始蒸海鮮已經喺度煲緊粥，所有嘅食物精華都流左喺呢煲粥裏面，期間姐姐又不停為我哋攪拌防止窿底，謝謝叮囑我哋幾飽都一定要食，不過其實已經好飽下😂
粥底非常綿，非常鮮味，不需加任何調味料，已經好好食，最後因為實在太多嘢食我哋都係食唔晒，亦唔想浪費，姐姐好好人幫我哋打包左，我估隔咗一晚會更加好食😋
▪️紅棗果子🌰
估唔到仲有甜品，呢個有啲似和果子，軟綿嘅糯米包住紅棗蓉，成粒都充滿紅棗香，仲要唔甜，我可以再食多幾粒😂😂
▪️整體來講真係物超所值，性價比超超超高，全部食材新鮮好食，好多海鮮都係即刻喺魚缸度撈出黎，點會唔新鮮，逢星期一至四仲要唔加一，呢個價錢，冇乜邊間可以做得到，一定要在回訪嘅店舖💛💛
张贴
