616牛肉火鍋專門店 (彌敦道)

营业中

休息中

夏天都可以打邊爐嘅，食肉獸今晚去咗616食牛肉，佢哋嘅信州牛肉和牛盛幾正喎，我覺得仲好味過佢平時啲牛肉！赤身油脂就唔係好豐富，不過牛肉味重；我自己就鍾意牛胸肉，覺得個口感好好。和牛盛送一碟五花趾，真係好抵！今日我哋湯底揀咗鴛鴦麻辣牛骨湯，麻辣主要用嚟煮牛肉，牛骨清湯就煮菜同埋油豆腐串。佢呢度牛肉有好多唔同部份，口感可以好唔同。蘇格蘭雪花胸肋同加拿大牛肩脊都唔錯。仲有仲有，一定要飲啤酒，里香白蘭花香味突出，非常推介。