一樂日本料理

話說我個人都好喜歡食生蠔，平時食自助餐，一定會揀啲有蠔食嘅地方，但一般放題就好少有任食生蠔，而家終於搵到喇，仲要係高質果隻！


唔講食物住，先講點餐，我不嬲都覺得平時啲放題畫紙仔好唔環保，呢度就透過wechat用自己嘅電話落單，雖然要download wechat,但都好容易用，又可以減少廢紙，值得一讚！


講番食物質素，我最關心嘅生蠔，職員會俾個牌仔你，你只要將個牌仔放喺開蠔師傅度，佢開完就會有人拎去你張檯！


啲生蠔雖然係任食，不過質素一啲都唔差，好大隻又夠厚肉，又新鮮，唔會奀挑鬼命，幾好！刺身同壽司都好新鮮，唔會一陣雪味！熟食夠晒熱，特別欣賞佢嘅燉湯，值得推介！