漁屋日本料理 (荃新天地2) (已結業)

睇見呢度食評寫得咁抵咁吸引，咪去試下。間嘢比我想像中細好多...又偏僻又細...我哋訂咗位 6 點，5 點 11 去到，班員工竟然仲食緊飯... 我哋呆咗...佢叫我哋等，話好快，結果 6 點 08 分先坐埋位...期間發現個老細對於邊d客坐邊d位好執著... 對員工的要求都好高...(但依然 6 點 08 先入到座...)我去過兩三間呢類日本放題，可能我見識得少，間間都係整好一堆，有人點咗菜就遞俾你既。但呢間好有誠意咁即叫即整，所以 d 嘢食送上黎果時仲好有鑊氣、仲好熱...完全食得出果份心機同誠意 (唔係快餐式的味道囉)。呢點我真係好鍾意，雖然一開始上菜係慢咗 d (可能我哋最早到，而且同期有幾張枱的客入，佢一開始係忙 d，我都體諒既...) ，但之後上菜速度都 OK...另一個優點係佢會係張紙度寫明一客有幾多件，咁樣我哋唔駛靠估...刺身 OK，d 三文魚好厚... 正牛油帶子... 好香好好味 (不過咸咗少少)牛柳粒，好 juicy，好好味雞軟骨串燒，我本身鍾意食雞軟骨的，佢 d 串燒燒整得好香，好好味 (我食咗 5 串...)炸蠔，咬開有汁架... 勁好味...我深信要整到有