泡菜、大豆芽、青瓜，非常開胃，食完之後店員會主動幫你refill, 呢個位好加分！
鳳雛燉雞（無骨）$248
招牌燉雞啦，超大份，份量十足！
雞肉係雞扒肉，冇骨食起上黎好方便，啖啖都係肉。
配料亦都好豐富，材料方面有青瓜、蘿蔔、洋蔥、薯仔，仲有冬粉！冬粉好掛汁，每一條都吸曬燉雞醬汁嘅精華!!
而且冬粉口感煙煙韌韌，唔會太淋，其他配料亦都好入味，唔會煮到太淋，食完真係超滿足啊！
辣度方便，我點左小辣，意外地辣度都幾高，所以想淺嚐小小辣嘅朋友可能要留意下。
煙肉泡菜煎餅 $98
神奇地都幾厚身，但都煎到甘脆可口嘅口感，
藍檸味水果米酒 $58
米酒個樣好靚，我唔多飲酒，不過都飲得出酒精唔高，可以當係水果飲品，但加咗啲米酒，無咁平淡。
士多啤梨燒酒 $58
呢個都係貪靚而點，感覺上酒味比米酒濃度更高，所以愛酒人士可以點下燒酒系列
