影片
更多
2010-04-11
8 浏览
之前有同事試過係度食tea buffet, 話幾抵食同環境幾好, 就趁Auntie生日帶佢黎試下, 點知超級失望!早1日打去book位, 個電話打左5,6次都無人聽, 最後打番去總機, 佢一轉就有人聽, 激死! 早知我一早打總機啦, 浪費我D時間! 個小姐話佢地星期日晚好full, 要安排我地坐係cafe出面既位置, 我本身唔知佢個度有幾大, 就無所謂啦! 第二日佢地打番黎, 話有人cancel左booking所以俾到我地坐cafe個邊, 心諗都幾好彩, 期待食番餐好既~~我地7點半到, 一入去到已經呆左, 因為佢個所謂café既範圍非常細, 八百尺都唔知有無, 最離譜既係佢d野食少到無人有! 壽司得一盆放左係一個大汽水筒隔離, 個樣仲要好似放左好耐咁…再隔離就係冷盤., d長腳蟹, 中蝦, 翡翠螺同青口好似垃圾咁堆埋一堆, d長腳蟹就得番d腳趾仲要成晚都無refill, 見到都唔開胃…熱食都係一眼見最咁滯, 加埋d炒飯炒麵都有10款既: 1.大頭蝦: 一開只係得番d蝦頭, 好艱辛咁搵到兩隻蝦身, 我男朋友咬左一啖即刻唔食, 因為d肉霉既...2.乳豬: 個樣好似人地食剩唔要個d咁,
早1日打去book位, 個電話打左5,6次都無人聽, 最後打番去總機, 佢一轉就有人聽, 激死! 早知我一早打總機啦, 浪費我D時間! 個小姐話佢地星期日晚好full, 要安排我地坐係cafe出面既位置, 我本身唔知佢個度有幾大, 就無所謂啦! 第二日佢地打番黎, 話有人cancel左booking所以俾到我地坐cafe個邊, 心諗都幾好彩, 期待食番餐好既~~
我地7點半到, 一入去到已經呆左, 因為佢個所謂café既範圍非常細, 八百尺都唔知有無, 最離譜既係佢d野食少到無人有! 壽司得一盆放左係一個大汽水筒隔離, 個樣仲要好似放左好耐咁…再隔離就係冷盤., d長腳蟹, 中蝦, 翡翠螺同青口好似垃圾咁堆埋一堆, d長腳蟹就得番d腳趾仲要成晚都無refill, 見到都唔開胃…熱食都係一眼見最咁滯, 加埋d炒飯炒麵都有10款既:
1.大頭蝦: 一開只係得番d蝦頭, 好艱辛咁搵到兩隻蝦身, 我男朋友咬左一啖即刻唔食, 因為d肉霉既...
2.乳豬: 個樣好似人地食剩唔要個d咁, 但記得之前OR有人話呢個幾好味, 揀左好耐搵到件好樣d既, 食落好唔得, d皮唔脆又無咩味…
3.明爐烏頭x2: 兩條魚都分別俾人夾左個身一舊, 之不過佢個爐唔多滾, 好似凍既咁, 最後我見呢兩條魚浸左成晚, 我亦都唔敢食
4.炸物 (咖哩角, 迷你魷魚圈, 炸春卷): 我最鐘意食香口野所以一定要試下, 咖哩角同迷你魷魚圈好明顯放左好耐, 因為已經淋晒, 食完成口油…反而個炸春卷不錯, 因為呢樣係我全晚唯一一樣見到佢新換既熱食…
5.粉絲蒸帶子: 一開我只係見到粉絲, 再望真d先見到d細過我隻手指既帶子…見到佢地咁細小, 我都唔忍心放佢落我隻碟囉…
6.炒辣蟹: 同d帶子差唔多, 全部都好細隻, 又係剩番無咩肉既蟹脚多, 所以無食到
7.鮮菇炒雜菜: 個樣一般, 味道ok, 凍凍地
8.西芹炒鮮魷: 夾左幾件, 都係唔多熱既
9.炒飯, 炒麵: 一向對飯同麵無咩興趣, 所以無試
10.湯 (雜菜, 肉骨茶): 我男朋友試左雜菜湯, 佢話ok
個café出面其實仲有兩個有人即整既粉麵檔, 燒牛肉, 燒肉同煎蠔餅, 男友食左粉麵話一般, 我食左燒肉, 我只可以話燒肉個皮脆過個乳豬, 不過d肉鞋鞋地…
甜品係我既最愛, 不過佢d cake, jelly, pudding, chocolate fountain全部都唔吸引…另外仲有一筒仔豆腐花, 我男友開完同我講有好多水係面, 見到都唔開胃,所以我都唔敢開黎睇…全晚最驚喜係有雀巢紅豆雪糕因為我同男友都好鐘意食, 所以最後我只係食左3個dreyers+1個紅豆…雪糕應該係全場最搶手同唯一會refill既食物…
佢個buffet係6點半到10點, 但到差唔多9點大半人已經走左, 可想而知呢間d野食有幾好味! 用左張85折coupon, 4個人埋單千幾, 覺得好唔值! Auntie話早知去酒樓食仲好!
結論係: ‘一定無下次!’
张贴