和幸日本燒肉料理 (已結業)

七月十五日晚上12:30右,因剛開完会一行9人就走去試下(因我老闆睇咗有線廣告},一上去全場無人,所以差不多全部侍應都走晒來,其中有個十分樣衰的肥仔來幫我們落單,因只有我老闆一位男人,亦因太晚不想食太飽和其中有4个女仔唔食牛肉,所以叫他介紹有咩好食,点知他:唔食牛都無咩可以食!但我老闆都叫咗六隻虎蝦(每隻要$88)和牛約六塊還有点咗4个石頭飯,海膽,炒什菜等,食物貴又唔好食,可以話連簡單的飯都全無味的,虎蝦外看十分美又大隻但食入口腥到不行(因唔新鮮),个死肥仔仲要一路落單一路串話:每人都無一隻蝦食,要飽肚啲叫啲冷面呀烏冬呀食啦!lee樣又唔食果樣又唔食,食齋架!當我哋投訴蝦唔新鮮時他說:係你哋要我幫你燒架,我係全間鋪燒嘢最差果個唔關我事呀!當我老闆叫他幫我們分好一碗碗啲飯時他又說:得啦,我会分得好平均的,用尺幫你量住埋分吓!嬲到我哋個個都頭頂出火!埋單要成$1800蚊!仲要埋錯單收多一个飯錢,改完又話收少咗前菜錢(前菜只係一个薯容做的只有半个雞蛋大少的薯仔波)!食完都唔知食出乜!$1800可以食成桌海鮮啦,一定無下次!