影片
更多
2009-05-04
絕對唔值得幫襯~~!!首先, 見到menu, 全部都酒樓價, 一間街坊食店, 似乎唔值呢個價錢, 而且坐門口, 條後巷一路都有陣臭味吹過黎。到點菜, 點左幾樣, 黃金蝦, 椒鹽雙魷, 金銀蛋時菜, 蘢仔蒸飯, xo醬炒腸份, 南乳炸雞, 落單時佢同我講15分鐘度有野食。結果, 等左半個鐘先上第一味 "南乳炸雞", 唉...只有雞碎幾舊,使唔使咁少, 仲要成$60, 仲要有d係雞翼斬件, 而且無咩南乳味。之後再等10分鐘, 等一輪先見到個黃金蝦, 一見..嘩.....使唔使咁細隻, 同平時去食白灼蝦既size差不多, 咁都要$128, 真係掠水, 而且仲要係雪蝦, 又唔新鮮．之後, 又要10分鐘先見到有個蘢仔蒸飯上, 點知又係細細蘢, 真係蘢"仔"蒸飯, 無改錯名, 6 個人食, 分左4碗, 原來唔係好夠再分啦....而且, 普通都唔普通, 同聖安娜十幾蚊荷葉飯差不多。食完飯, 又要等, 已經有d唔耐煩, 催佢上快d, 點知又要成15分鐘先見到碟椒鹽雙魷, 份量又係唔多, 呢個時候呢餐飯我已經食左1hour15mins。跟住我同佢講話如果d餸整唔切, 就算啦, 我埋單走, 金銀蛋時菜同
首先, 見到menu, 全部都酒樓價, 一間街坊食店, 似乎唔值呢個價錢, 而且坐門口, 條後巷一路都有陣臭味吹過黎。
到點菜, 點左幾樣, 黃金蝦, 椒鹽雙魷, 金銀蛋時菜, 蘢仔蒸飯, xo醬炒腸份, 南乳炸雞, 落單時佢同我講15分鐘度有野食。
結果, 等左半個鐘先上第一味 "南乳炸雞", 唉...只有雞碎幾舊,使唔使咁少, 仲要成$60, 仲要有d係雞翼斬件, 而且無咩南乳味。
之後再等10分鐘, 等一輪先見到個黃金蝦, 一見..嘩.....使唔使咁細隻, 同平時去食白灼蝦既size差不多, 咁都要$128, 真係掠水, 而且仲要係雪蝦, 又唔新鮮．
之後, 又要10分鐘先見到有個蘢仔蒸飯上, 點知又係細細蘢, 真係蘢"仔"蒸飯, 無改錯名, 6 個人食, 分左4碗, 原來唔係好夠再分啦....而且, 普通都唔普通, 同聖安娜十幾蚊荷葉飯差不多。
食完飯, 又要等, 已經有d唔耐煩, 催佢上快d, 點知又要成15分鐘先見到碟椒鹽雙魷, 份量又係唔多, 呢個時候呢餐飯我已經食左1hour15mins。
跟住我同佢講話如果d餸整唔切, 就算啦, 我埋單走, 金銀蛋時菜同 xo醬炒腸份我都唔要啦, 佢又同我講話已經整緊, 等左5分鐘, 我先見碟菜整完, 哎.....一間餐廳, 整碟菜要唔要粒幾鐘.....
最後諗住快快趣食埋xo醬炒腸份就走, 點知佢所謂既整緊, 我等極佢都未到, 等多左15mins, 我決定唔再等, 入去埋單, 我先知原來佢到而家都未整我碟xo醬炒腸份, 真係唔知有無攪錯, 唔想做就唔好點我叫我等啦~~~最後, 我要成兩個鐘先食完呢餐又貴又食唔飽既飯。
總之, 希望大家千奇唔好去食, 除非你真係有好多$$同好多時間等啦~~
张贴
