DAMA (已結業)

今次我地約埋朋友，去左K11 Musea DAMA食純素軟雪糕，健康又好味，仲試左佢地新品，多D人可以試多幾款。火龍果港式雞蛋仔軟雪糕仔仔見到就搶住食，食得非常滋味，我只能試食少少，雞蛋仔好香脆，火龍果軟雪糕好清甜，水果新鮮，加埋燕麥，多重口感，實在豐富新品：榴槤Affogato單吃已經非常滋味，然後加上特濃咖啡，原來很夾，非常特別，融合之後，令味道昇華。新品：法式熱那亞蛋糕試了兩款口味， 好清新，好好味。「Fizzy - 青檸雲尼拿」，以青檸味很出，奶油入香滑，青檸和雲尼拿甘納許很清甜，配上青檸和青蘋果啫喱，夾埋一齊很清新。「Ydille - 椰子大黃」，餐廳獨有的大黃醬，微甜微酸，椰子甘納許很香滑，配上草莓啫喱，非常好吃。新品：台灣黑荔枝＋台灣凍頂烏龍軟雪糕無論單獨食，定夾埋食，也很好食。這裡的軟雪糕有多款口味，又經常出新款，下次經過，一定要試其他口味。