海體の鳥ラーメソ Soy Soup ❤️ ($88)
跟麵 🍲 叉燒：汁煮厚切叉燒
評分：7.5/10.
呢碗醬油拉麵湯底堪稱由9種醬油熬製而成，個人試咗一啖表示 🤔 層次上就真係唔明顯，都係日式甜味醬油嘅味。個人都系鍾情鹹味嘅湯底多啲～😌 但呢塊好巨型嘅厚燒叉燒煮得的確出色!!! 完全，系完全!! 唔乾唔硬 (最直接嘅對比：好食過神山麵屋嘅厚叉燒) 咬落淋身，但未至於會未咬就散開 👍 叉燒嘅 size 真係世界級可以切開到6-8大舊出嚟，呢個價錢絕對係 a fair deal
Premium Cubism 特級白湯 ❤️ ($118)
跟麵 🍲 叉燒：低溫慢煮叉燒
評分：8.5/10.
其實店家出售嘅拉麵五隻手指數得晒，呢個被尊定為佢地招牌菜式實至名歸，上次係長沙灣都食過味道濃郁嘅慢煮叉燒，所以滿心期待 😆 果然慢煮嘅叉燒係零舍入味啲，加上肥瘦均勻，食得超級滿足。湯底飲落好舒服，唔油膩，但豚肉味好出 (差啲忍唔住飲晒啲湯) 🤤 麵條都抵讚，咬落稍微有嚼勁，少少彈牙，同成日見到嘅白色幼拉麵唔同。呢款原先就包埋半隻溏心蛋，可以唔晒分開嗌都得
松林餃子 ❤️ ($38/5隻)
評分：7/10.
餃子普普通通啦，算系比較細隻嘅，可以再煎耐少少等外皮脆啲。質素正常但冇驚喜
