影片
更多
2023-10-20
710 浏览
是咁的：見到人頭湧湧，燈光火著，排場十足，唔埋去趁吓熱鬧真係驚蝕底。呢間我估應該唔係開咗好耐嘅咖啡店，用我最鍾意嘅橙色做主調，先入為主，更加吸引我要入去觀摩吓啦。呢個品牌都有番咁上下歷史架，應該係喺摩洛哥馬拉客什起始嘅，其他有佢嘅Coffee Room城市包括新加坡、科威特、卡塔爾、同埋依家香港呢間店。據悉佢哋有二百種Arabica Coffee 阿拉比卡(小果咖啡)嘅選擇，買番屋企試，閒閒地都要試幾年(假設你一個禮拜飲100gram)，而Arabica Coffee已經係精品咖啡嘅指標，相信咖啡愛好者應該會有興趣喺呢度尋寶。至於我呢，我就比較硬頸又固步自封，屋企每朝嗰杯Siphon虹吸依然堅持用我一向買開嗰隻咖啡，要我轉其實都好困難。不過，入嚟買杯飲吓就一定會嘅。我對咖啡無乜研究，最佳方法當然係請店鋪介紹啦。咁下面就point form講吓體驗啦：1) 店員幫我揀嗰隻咖啡，我麻麻地。To be fair，佢有問我鍾意乜嘢口味，其實我唔識答，所以呢杯唔啱口味都正常嘅；2) $50蚊杯咖啡，唔十分大杯，夠飲，一定連埋一個卡紙摺成嘅「盆」，跟嚟一杯cream同一支啡糖candy(我唔想寫「
呢個品牌都有番咁上下歷史架，應該係喺摩洛哥馬拉客什起始嘅，其他有佢嘅Coffee Room城市包括新加坡、科威特、卡塔爾、同埋依家香港呢間店。據悉佢哋有二百種Arabica Coffee 阿拉比卡(小果咖啡)嘅選擇，買番屋企試，閒閒地都要試幾年(假設你一個禮拜飲100gram)，而Arabica Coffee已經係精品咖啡嘅指標，相信咖啡愛好者應該會有興趣喺呢度尋寶。
至於我呢，我就比較硬頸又固步自封，屋企每朝嗰杯Siphon虹吸依然堅持用我一向買開嗰隻咖啡，要我轉其實都好困難。不過，入嚟買杯飲吓就一定會嘅。我對咖啡無乜研究，最佳方法當然係請店鋪介紹啦。咁下面就point form講吓體驗啦：
1) 店員幫我揀嗰隻咖啡，我麻麻地。To be fair，佢有問我鍾意乜嘢口味，其實我唔識答，所以呢杯唔啱口味都正常嘅；
2) $50蚊杯咖啡，唔十分大杯，夠飲，一定連埋一個卡紙摺成嘅「盆」，跟嚟一杯cream同一支啡糖candy(我唔想寫「啡糖糖」，我驚我自己都睇唔明🤣😅)。畀50蚊成盆嘢攞走，成件事係細致嘅，但攞過一次，對我嚟講就夠嘞。下次，我一定唔會再想攞呢盆嘢，之但係menu上面好似無標價錢話可唔可以就咁買一杯咖啡唔要盆嘢(當然你可以照畀50蚊就咁拎杯咖啡走啦)。如果無得平啲就咁買杯咖啡，咁我會喺番對面都係賣阿拉比卡嗰間買；
3) 我估可能係支持推動環保嘅原因，個杯蓋係用啲厚紙質之類或者再生原料嘅嘢做成，唔係膠。我呢啲好想支持環保但始終有啲嘢仲係守舊嘅膠人，隔住佢呢個杯蓋嚟飲有啲唔十分舒適，所以我一可以唔使行住飲就拎走咗個蓋；
4) 呢度有croissant同其他pastry賣，賣相靚到假嘅一樣，勁吸引！勁鍾意食croissant嘅我買咗一個試，幾好，入面有啲甜嘅料搽咗喺內邊，所以偏甜啱晒我！佢賣$23蚊隻，雖然size係細隻過一般，但我覺得喺ifc大地鋪，$23蚊買到乜嘢都好啦，係抵食嘅！
講完咁多，即係使唔使去呀？
嗱，睇到我呢段嘢嘅即係ig人啦，咁咪去打個卡囉。
「你咁講，即係話人啲咖啡唔好飲啦！」
唔好誤會，我無咁講，我唔識啫。其實呢，有得兩百種 Arabica Coffee畀你揀，佢啲咖啡又可以有幾唔好飲呢。我只係無覺得佢特別好飲，而唔係唔好飲。咁既然唔覺得特別好飲，我又點會特別介紹你要去洗50蚊呢，right?
25 浏览
1 赞好
0 留言
21 浏览
0 赞好
0 留言
16 浏览
0 赞好
0 留言
10 浏览
0 赞好
0 留言
张贴
