影片
更多
2021-10-01
59 浏览
突然覺得好似好耐無食過雞煲，諗起之前OpenRice 見過新南苑係任食雞煲加打邊爐，於是拿拿臨約朋友仔一齊黎試下。一坐低緊係拎野飲先，呢度飲品種類都算多。雞煲我地揀左小辣，職員教我地每兩分鐘撈一撈，撈4次就食得，記得撈時加埋附送嘅油炸鬼，第一次雞煲食油炸鬼幾得意，小辣唔太辣但都幾惹味。打邊爐我地揀左海鮮餐，會按人頭每人一件海蝦（好大隻呀），蜆，聖子，蠔，鮑魚同龍躉片，全部都好新鮮。湯底就揀左四式火鍋（沙爹，麻辣，蕃茄，芫荽皮蛋）打邊爐會用另外一個鍋，感覺幾好唔會咁油。個小籠包幾好食，爆哂汁。醬料同菜就要自己拎，張order紙選擇唔算多，每次限叫8樣，都好唔會一次叫太多食唔哂。餐後仲有奶凍附送。呢個價錢黎講我覺得幾抵食，而且職員態度都友善。
一坐低緊係拎野飲先，呢度飲品種類都算多。
雞煲我地揀左小辣，職員教我地每兩分鐘撈一撈，撈4次就食得，記得撈時加埋附送嘅油炸鬼，第一次雞煲食油炸鬼幾得意，小辣唔太辣但都幾惹味。
打邊爐我地揀左海鮮餐，會按人頭每人一件海蝦（好大隻呀），蜆，聖子，蠔，鮑魚同龍躉片，全部都好新鮮。湯底就揀左四式火鍋（沙爹，麻辣，蕃茄，芫荽皮蛋）打邊爐會用另外一個鍋，感覺幾好唔會咁油。
個小籠包幾好食，爆哂汁。
醬料同菜就要自己拎，張order紙選擇唔算多，每次限叫8樣，都好唔會一次叫太多食唔哂。
餐後仲有奶凍附送。
呢個價錢黎講我覺得幾抵食，而且職員態度都友善。
张贴
