蒸廬 (已結業)

佢係自己掃QR code跟住落單其實啲嘢食都幾快到第一個叫咗係荷葉鳳爪蒸排骨飯我覺得個飯稍為濕咗啲但係佢有樣嘢好，就係佢有好多菜同埋南瓜所以感覺上就健康啲唔會剩係得飯同埋肉佢嘅排骨都唔錯，唔會太多肥膏鳳爪都唔會太鹹豉油另上，自己想落幾多就幾多由於唔係好多人，但係又想食到多啲款式佢有一個點心雜錦，入面總共有九款點心特別想讚馬拉糕因為馬拉糕唔係度度整得好食💚呢一個馬拉糕夠乾身，而且有一陣焦糖嘅香味非常之好跟住燒賣又係好好食，蝦同肉嘅比例啱啱好💜而且唔會鹹蝦餃足料💛💛馬蹄糕入面嘅馬蹄非常之爽口同埋好多唔會太甜而叉燒包入邊真係啲叉燒係流出來而且每一舊都係叉燒豬肉唔係嗰啲一嚿嚿肥膏流沙奶黃包我覺得呢一間舖頭嘅包點係必食士多啤梨蝦多士必叫本身聽到個名會覺得又甜又鹹，可能會好奇怪但係原來佢只係上面有d士多啤梨醬而且士多啤梨醬嘅味唔係好突出所以唔會有咸有甜而且佢個蝦多士係非常之脆口蝦肉爽口彈牙多士好似啲米通一樣推薦！