四湯八麵 (已結業)

星期六咁啱嚟觀塘有嘢做，順便覓食。觀塘工廈出名多嘢食，但撞著落大雨，唔想冒住大雨去啲工廈，唯有APM搵嘢食。見呢間多人食，而且好肚餓，唔想再搵，決定一試，點知中伏😓我叫咗A01餐，賣相好似ok，但唔好食。牛腱鞋到呢⋯麵都稍微硬咗啲，但男朋友覺得ok。而男朋友就叫咗A04餐。一上枱，我同男朋友都o咗嘴，個賣相已經唔吸引，同餐單個樣都差好遠。食落係有淡淡嘅藥材味，成碗嘢一個字形容得曬：清淡！個排骨係淋過牛腱嘅。總結：未至於難食到要走人嘅，入得口嘅～但真係唔會有第二次🤔