興盛飯店 (已結業)

荔枝角之旅，熟路人帶路，到汝洲街這裡的熟食中心開飯。這個所謂的熟食中心，只係幾塊鐵皮，開放式的地方，挺簡陋，落雨的話頂多都係加幾塊帆布擋擂雨。三個人，唔要炒粉麵，叫餸食飯，因為選擇都幾多，最後要左咖哩牛腩，炸雞翼同蒸肉餅。炸雞翼有八隻，平時頂多都係五隻，講份量真係唔係講笑，即炸，香脆，面頭有點椒鹽味，幾穩陣的。咖哩牛腩，出色的係個筋，挺腍，牛腩就不過爾爾。肉餅，份量係平時兩塊，即叫即蒸，肉餅尚算鬆化，都食得過的肉餅。食物水準不過不失，三十多蚊一個飯餐，又大件，這裡堅係抵食。