肉骨皇 (已結業)

由於奶奶鍾意食肉骨茶, 而我地一家四口之前經過大坑都想入去食, 但往往都話冇訂枱冇我食。今日突然想起呢間《肉骨皇》於是打去訂位, 點知就中左伏中之伏。。。。。一入到去冷氣又唔夠, 蚊又多, 枱面同餐牌都黐立立, 以為環境唔好食物搭救, 點知😢1) 大蝦柚子沙律👎👎👎酸辣醬勁多, 可能餐廳嘗試遮蓋住冇味既大蝦同柚子。2) 原味手抓餅配咖哩汁, 不過不失3) 海南雞飯👎👎👎全雞胸肉, 雞肉濕汆汆, 完全冇味, 飯係乾爭爭4) 炒花甲👎👎👎一上菜好深色喎~今碟一定入味, 唉 … 勁多殼, 完全冇味5) 肉骨茶👎👎👎以為主角會力挽狂瀾?!oh no ... 一灌作風完全冇味, 肉骨茶應有藥材味都冇, 難道我地全家味覺有問題?埋單$510, 全家一致認為 「冇下次」