影片
更多
2020-06-15
20 浏览
上年年尾已經同朋友嚟過試，又突然好想再嚟食佢哋嘅晚餐。今次同男朋友嚟，一人叫一個晚餐，最鍾意佢個餐包晒餐湯、餐包、沙律同埋飲品。仲有佢哋嘅甜品好吸引㗎，好掛住佢哋個心太軟🤤餐廳依然咁多人幫襯👍當天係星期日晚上大概九點，全個餐廳滿晒人～仲有一班人喺Special Room開party添，好熱鬧！餐包係蒜蓉多士😍超級軟熟。而且好香牛油味。另外當日嘅餐湯係洋蔥湯，清澈又濃郁嘅洋蔥味。我哋好鍾意食蘑菇🍄見到晚餐有呢一個：⭐️白松露忌廉燴鮑魚美國雞脾扒 $178賣相超吸引，而且食落超香蘑菇松露味，最重要嘅係佢哋嘅伴碟一啲都唔吝嗇，好多蔬菜，有蕃薯蓉、蕃茄、仲有羽衣甘藍🥬燒烤醬西班牙黑毛豬梅肉拼北海道元貝 $208睇落已經好想食，好似蜜汁叉燒😍整得好有誠意😋醬汁完全包裹成個豬梅肉，而且香烤外層滿有蜜汁，好香脆，脂肪比例啱啱好。然後我哋就點甜品啦，叫咗兩款甜品，心太軟是必點！！！超香濃朱古力味，熱辣辣，一食就留流心。鍾意食朱古力嘅朋友一定鍾意！即製梳乎厘班戟空氣感滿分！配埋忌廉同吉士，好香蛋味，超正。一如既往有誠意嘅餐廳，一定會再次光臨👍
又突然好想再嚟食佢哋嘅晚餐。
今次同男朋友嚟，
一人叫一個晚餐，
最鍾意佢個餐包晒餐湯、餐包、沙律同埋飲品。
仲有佢哋嘅甜品好吸引㗎，
好掛住佢哋個心太軟🤤
餐廳依然咁多人幫襯👍
當天係星期日晚上大概九點，
全個餐廳滿晒人～
仲有一班人喺Special Room開party添，
好熱鬧！
餐包係蒜蓉多士😍超級軟熟。
而且好香牛油味。
另外當日嘅餐湯係洋蔥湯，
清澈又濃郁嘅洋蔥味。
我哋好鍾意食蘑菇🍄
見到晚餐有呢一個：
⭐️白松露忌廉燴鮑魚美國雞脾扒 $178
賣相超吸引，
而且食落超香蘑菇松露味，
最重要嘅係佢哋嘅伴碟一啲都唔吝嗇，
好多蔬菜，
有蕃薯蓉、蕃茄、仲有羽衣甘藍🥬
燒烤醬西班牙黑毛豬梅肉拼北海道元貝 $208
睇落已經好想食，好似蜜汁叉燒😍
整得好有誠意😋
醬汁完全包裹成個豬梅肉，
而且香烤外層滿有蜜汁，好香脆，
脂肪比例啱啱好。
然後我哋就點甜品啦，叫咗兩款甜品，
心太軟是必點！！！
超香濃朱古力味，熱辣辣，一食就留流心。
鍾意食朱古力嘅朋友一定鍾意！
即製梳乎厘班戟
空氣感滿分！
配埋忌廉同吉士，好香蛋味，超正。
一如既往有誠意嘅餐廳，
一定會再次光臨👍
张贴
