話說佢地以前有出一個卜卜蜆任食 (好似係夜晚九點定十點打後)
不過依家冇左 因為疫情關係，佢地既營業時間都有所調整
例牌會點佢地既蒜香卜卜蜆煲 亦會叫佢多蒜
有九成既蜆係冇沙既 亦當然有啲都會有少少沙啦
但絕對係接收範圍內既
仲要記得食佢地自制既XO醬 雖然有收醬料錢 但真係唔係間間會有XO醬提供呢
牛肉黎講我覺得係正常級數
今次點既係普通牛 未去到最高級 不過我覺得對得住個價錢
3個人食都夠食 另外仲有佢地既丸類都係自家制
我覺得依點好加分 彈牙啲又好食啲
最後結尾就要配上黃金響令食 個醬唔好點哂落個湯度
岩岩好浮係面咁樣就唔會走哂啲黃金醬呢 正!!!
