海皇粥店 (樂道) (已結業)

今日兩點零係尖沙咀整啲嘢，整完嘢就去搵啲嘢醫肚～小時候媽媽成日帶我同家姐去海皇食， 有種情意結，今日決定懷緬一下😁冇黎一排出咗唔少新嘢創意野，有茶餐廳嗰啲午餐肉蛋飯，又有台灣手抓餅，仲有麻辣粥等等自己一個食唔敢點太多，叫左一個好有回憶必食既炸兩，同埋新出手抓餅😋好耐冇食過海皇既炸兩，果然保持水準冇令我失望，仍然咁出色😆 腸粉皮厚度啱啱好，裡面嘅油炸鬼係脆的， 出面粥店食過啲炸兩裏面嘅油炸鬼淋曬，好難食🙄 海皇炸兩既豉油仲係專登整熱佢，有誠意😮😮 手抓餅係一個套餐黎，包野飲，可以揀兩款配料我揀左火腿雞蛋，好足料，餅皮熱辣辣好脆口 ， 唔係專賣台式食品都有呢個水準相當唔錯👍跟餐飲品檸水仲畀咗四大片檸檬，好豪爽😂整體都好滿意👏