鐵板燒雪舟

营业中

休息中

星期日，與好友一齊食lunch,去左江湖傳聞嘅日式和牛雪舟，電話先預訂。中午12：30到即入座。親切的服務員介紹餐牌，㨂左成十分鐘先揀到2x商務午餐及2x午餐，我地4人share食，之後驚喜到，因廚師係你面前用鐵板烹調，嘩！商務餐隻南非鮑魚超大隻新鮮，廚師表演精彩，刀鋒不絕，鲍魚爽口又夠滑，一D都吾靱，配埋其醬汁，超正。跟住到鹅肝，超大件，廚師好用心地煎，鵝肝每面都煎到脆，入面就軟，非常香口，口腔全是鵝肝香濃味，無得頂。跟住兩大件美國牛枊，五成熟煎完慢變六成，剛好一D都吾靭，好軟好淋，肉汁肉味超多；之後上埋牛胸內膜，重肉味，吾靭，好咬口，好香好野味㕑師每度菜都介紹，烹調方法及食法，建議食和牛最好加少量海盬，特別帶出牛味。廚師最尾炒日式雪菜飯，用日本飯炒製出紙咁薄嘅薄脆，大開眼戒。全程用2.5小時完成午膳，朋友開懷暢食及欣賞廚師表演，一大樂事。