影片
更多
2021-09-23
294 浏览
落街跑步时发现第一街转角开咗间新餐厅「The Bottle & Steak」，本身以为佢系酒吧，但行近望望佢个餐牌，先知原来佢有食物卖，甚至你可以称呼佢为扒房🥩。餐厅环境装修简约，行工业风，选用高枱能够提升空间感。呢度整个气氛令人舒服😌，系放工后松一松畅饮嘅好地方。其实一入餐厅你会发觉后方位置有一堆饮品雪柜，好似便利店咁。你冇睇错，佢哋唔系摆设嚟，餐厅售卖各式各样嘅啤酒汽水🍻，饮品整齐排列，任君选择，比起写上餐牌更能掌握每样饮品嘅特色。美国安格斯平铁牛扒USDA Flat Iron Steak($128)，平铁牛扒系近年特别流行嘅部位🐮，佢其实即系翼板肉，系成只牛入面仅次于牛柳最嫩滑嘅位置，而且肉味香浓，但呢块扒中间有条筋，所以肉质韧咗少少。牛扒虽然唔系Prime级，不过烹调方法令佢充满住烧烤嘅香气，做到色香味俱全！厨师控制火喉得宜，七成熟啱啱好🔥。澳洲猪鞍架AUS Pork Rack($158)，🐷猪鞍竟然比牛扒还要贵，不过又真系几好食嘅。猪鞍扒够厚身，肉质唔嚡兼且富有肉汁，边边位带点肥膏，食落更加香口。除咗肉扒以外，主菜仲配以厚切薯条🍟同沙律菜🥗，一人食晒成碟超满足，男仔食都会够饱
落街跑步时发现第一街转角开咗间新餐厅「The Bottle & Steak」，本身以为佢系酒吧，但行近望望佢个餐牌，先知原来佢有食物卖，甚至你可以称呼佢为扒房🥩。
餐厅环境装修简约，行工业风，选用高枱能够提升空间感。呢度整个气氛令人舒服😌，系放工后松一松畅饮嘅好地方。
其实一入餐厅你会发觉后方位置有一堆饮品雪柜，好似便利店咁。你冇睇错，佢哋唔系摆设嚟，餐厅售卖各式各样嘅啤酒汽水🍻，饮品整齐排列，任君选择，比起写上餐牌更能掌握每样饮品嘅特色。
美国安格斯平铁牛扒
$128
11 浏览
0 赞好
0 留言
美国安格斯平铁牛扒USDA Flat Iron Steak($128)，平铁牛扒系近年特别流行嘅部位🐮，佢其实即系翼板肉，系成只牛入面仅次于牛柳最嫩滑嘅位置，而且肉味香浓，但呢块扒中间有条筋，所以肉质韧咗少少。牛扒虽然唔系Prime级，不过烹调方法令佢充满住烧烤嘅香气，做到色香味俱全！厨师控制火喉得宜，七成熟啱啱好🔥。
澳洲猪鞍架
$158
9 浏览
0 赞好
0 留言
澳洲猪鞍架AUS Pork Rack($158)，🐷猪鞍竟然比牛扒还要贵，不过又真系几好食嘅。猪鞍扒够厚身，肉质唔嚡兼且富有肉汁，边边位带点肥膏，食落更加香口。除咗肉扒以外，主菜仲配以厚切薯条🍟同沙律菜🥗，一人食晒成碟超满足，男仔食都会够饱肚。
挪威烟三文鱼玫瑰
$58
7 浏览
0 赞好
0 留言
橄榄油炒西兰花苗Sauteed Broccolini($48)，🥦西兰花好常见，但西兰花苗就少见好多，后者花少茎长，系西兰花同芥兰嘅混种。不过两者味道类同，简单用橄榄油炒已经唔错，爽口又清甜。
饮品方面，我哋拣咗Macario Blood Orange Soda($22)同Mongozo Banana Beer($42)，两者都系水果主题，前者系血橙味汽水🍊，味道唔会太甜，同一般橙味真系有啲不同。后者系香蕉味啤酒🍌，呢个组合好新颖，闻落蕉香十足，饮落觉得算易入口，一啲都唔苦，啱女仔饮。
总括嚟讲，我几钟意呢间餐厅，佢概念清晰，唔花巧，Bottle + Steak = Simple is the best☺️。以后想同朋友简单食饭据扒吹水，首选呢度，而且佢仲要唔收加一服务费㗎。唱返首歌先：一块扒来验证佢，一枝酒全力攻破🍺～～～。
张贴
