養心殿台式養生鍋 (已結業)

『養心殿』聽就聽得多，今次終於有機會見識下～荃灣分店位於大鴻輝，都幾就腳！入到去見到啲裝修好靚，好中式，好有古代嘅味道。我地6點去到，食客唔算多，一坐底就揀左湯底先，貪心嘅我地揀左個鴛鴦鍋，美人鍋×麻辣鍋（小辣）兩邊都分別有超多湯料，個鍋一滾起，啲香氣即時四散！墨魚滑密度好高！咬落鮮味，而且好彈牙！萵筍係厚切嘅，食落好有質感！火鍋配料嘅選擇都算多，肉類、蔬菜、海鮮⋯⋯樣樣都有啲，仲有小食類，肚餓得滯可以食住先。整體來講，環境和食物都係水平之上，不過價錢比起其他火鍋略嫌有啲貴。好在八點半前埋單有七折，慳咗接近$300😍