Outback Steakhouse (新港中心) (已結業)

Outback黑糖麵包一向多人討論，但躍躍欲試嘅我都係最近先第一次試到。同係附近工作嘅友人相約放工後於Outback一聚，順便送埋旅行手信。好在食物味道都唔錯，無失雅興。正式上菜前先嚟招牌一份黑糖麵包條，黑糖甜香微散於空氣。雖然係第一次食，但連我都忍唔住問食過嘅朋友，麵包係咪縮咗水，明明見人地啲食評好似無咁細條，佢都有同感。就味道而言，係軟熟之中帶點類似麥包嘅穀物感。雖好食但未至於令我十分驚艷，如果真係極好食我絕對唔會因留肚而放棄refill。炸蘑菇 $78炸衣調味極吸引，好少食到呢種近似孜然粉但又帶點異國辣粉嘅味道。蘑菇食落幾多汁，但個人認為同炸衣有少少唔夾。烤豬肋骨雞搥芝士薯條拼盤 $192雖然價錢幾貴，但一碟有齊烤豬肋骨、雞搥同芝士薯條，適合多人分享。烤豬肋骨略嫌酸味過重，重到有啲攻鼻；雞搥就炸到有啲太乾身；芝士薯條有拉絲效果，食落夠熱辣辣。白汁烤蝦燴飯 $148汁嘅質感夠濃稠，不過幾易滯，二人享用都食唔晒。烤蝦幾大隻，咬落啖啖肉。芒果草莓沙冰 $72呢款水果沙冰Cocktail好易入口，帶有芒果香甜同士多啤梨嘅酸度，碎冰尺寸同樣恰到好處，唔會沖淡果味。