影片
更多
2021-08-06
11 浏览
近年 CBD 熱潮捲入香港，吸引一眾追求天然健康的人士，皆因有些研究指出， CBD 具多種益處，包括有助抗焦慮、抗精神病、舒緩痛楚等特性。今日約咗朋友食晏，友人話好想試下這間以大麻二酚 Cannabidiol (CBD) 為主題的多國菜餐廳「Med Chef」，既然朋友有興趣，我當然樂意相陪。餐廳氣氛很好，人流不算太多，燈光偏暗，配上一室夢幻的霓虹燈裝飾，為客人增添了不少視覺享受。入座後，店員會先向顧客解釋何謂 CBD，好等客人有個心理準備。其實 Menu 上亦有詳細說明，可以自己慢慢睇。餐牌有輕食、主菜、甜品及飲品等，聽服務員講，店內嘅所有食品都加入了份量經過調校的 CBD，如果唔需要，可以落單時事先聲明。我哋點咗鐵板青咖哩安吉拉雞捲 ($118)、威靈頓三文魚配秘魯黃椒醬 ($198)、夏威夷柚子漬三文魚珍珠飯 ($148) 同 脆炸焦糖西班牙油炸鬼配雲呢拿雪糕 ($78)。安吉拉雞捲嘅配搭頗有創意，可以話係墨西哥菜同泰菜嘅混合體。廚師先用墨西哥薄餅捲住雞肉炸脆，再將青咖喱蔬菜淋上雞卷，並伴以菇菌、紫洋蔥和茄子等，薄餅吸收了咖喱的辣味，層次更加豐富。威靈頓三文魚及夏威夷魚生飯接著送
今日約咗朋友食晏，友人話好想試下這間以大麻二酚 Cannabidiol (CBD) 為主題的多國菜餐廳「Med Chef」，既然朋友有興趣，我當然樂意相陪。
餐廳氣氛很好，人流不算太多，燈光偏暗，配上一室夢幻的霓虹燈裝飾，為客人增添了不少視覺享受。
入座後，店員會先向顧客解釋何謂 CBD，好等客人有個心理準備。其實 Menu 上亦有詳細說明，可以自己慢慢睇。
餐牌有輕食、主菜、甜品及飲品等，聽服務員講，店內嘅所有食品都加入了份量經過調校的 CBD，如果唔需要，可以落單時事先聲明。
我哋點咗鐵板青咖哩安吉拉雞捲 ($118)、威靈頓三文魚配秘魯黃椒醬 ($198)、夏威夷柚子漬三文魚珍珠飯 ($148) 同 脆炸焦糖西班牙油炸鬼配雲呢拿雪糕 ($78)。
安吉拉雞捲嘅配搭頗有創意，可以話係墨西哥菜同泰菜嘅混合體。廚師先用墨西哥薄餅捲住雞肉炸脆，再將青咖喱蔬菜淋上雞卷，並伴以菇菌、紫洋蔥和茄子等，薄餅吸收了咖喱的辣味，層次更加豐富。
威靈頓三文魚及夏威夷魚生飯接著送上。
三文魚嘅酥皮烤得好靚仔，唔單止堅挺金黃，而且切開亦無甩皮甩骨，夠乾爽又唔會濕腍腍，入口相當鬆脆。入面的魚肉非常嫩滑，生熟度亦恰好，配上惹味嘅黃椒醬，味道更有層次。
另外呢客夏威夷魚生飯，亦好值得推介，睇下啲餸料下得幾慷慨，一啲都唔手軟，有三文魚、呑拿魚、椰菜苗、蒜心同溫泉蛋，多到幾乎滿瀉，將下面嘅珍珠米完全遮蓋。
三文魚豐腴肥美，加上以柚子汁醃漬過，令味道更鮮甜清新。呑拿魚外層微微炙燒過，入口半熟帶油脂香。底層的珍珠飯晶瑩爽口，米質彈牙煙韌，入口飯香迫人，用嚟撈蛋汁食，真係無得輸！
西班牙油炸鬼，味道亦一流，Churros 熱辣辣、勁脆口，油炸鬼下面仲墊咗粒粒爆谷，再將焦糖漿淋上雪糕一齊食，香甜味立刻佔據整個口腔，口感超正。
唔知係咪心理作用，定係 CBD 嘅功效，食完成個人真係有啲好 relax 嘅感覺。
张贴
