影片
更多
2013-03-05
121 浏览
呢日我地成１點５０分先去到，開頭仲驚要等位添，因為上網睇過呢間店都有好多人幫襯，好彩去到都有吉枱，職員比咗個戶外位我地坐，我就係正正想坐出面啦，Good！當我地坐下，職員比Menu我地時就即就：「 每位最低消費HKD70」....哦，咁直接嘅，樣又惡惡地，之後的服務都係一般，其實如果唔係收10% Service Charge嘅話，佢呢ＤService係會接受，不過而家係收10% Service喎，係咪服務更加要好返Ｄ先？？我同佢都諗咗起碼５分鐘以上先決家食乜，以下係我地點來一齊食嘅：① 冰滴咖啡(ice drip coffee) $58② 朱古力咖啡(Mocha) $38③ 牛油果蕃茄雞肉中東包(Pita Pocket) $68④ 意大利火腿嫩菠菜沙律(Roasted Butternut Squash) $58Subtotal: $222 + 10% Service Charge= $245最先來一的就是我最想試的＜冰滴咖啡＞，因為冰滴咖啡沒有經過熱解，香味比較少，所以店方用了紅酒杯，令味道集中一點，飲之前搖一搖，聞一聞，香味就出喇。聞完先飲一口，好清洌、順滑的，不過冰滴咖啡冇用熱力萃
當我地坐下，職員比Menu我地時就即就：「 每位最低消費HKD70」....哦，咁直接嘅，樣又惡惡地，之後的服務都係一般，其實如果唔係收10% Service Charge嘅話，佢呢ＤService係會接受，不過而家係收10% Service喎，係咪服務更加要好返Ｄ先？？
我同佢都諗咗起碼５分鐘以上先決家食乜，以下係我地點來一齊食嘅：
① 冰滴咖啡(ice drip coffee) $58
② 朱古力咖啡(Mocha) $38
③ 牛油果蕃茄雞肉中東包(Pita Pocket) $68
④ 意大利火腿嫩菠菜沙律(Roasted Butternut Squash) $58
Subtotal: $222 + 10% Service Charge= $245
最先來一的就是我最想試的＜冰滴咖啡＞，因為冰滴咖啡沒有經過熱解，香味比較少，所以店方用了紅酒杯，令味道集中一點，飲之前搖一搖，聞一聞，香味就出喇。聞完先飲一口，好清洌、順滑的，不過冰滴咖啡冇用熱力萃取咖啡，所以咖啡因少了之餘，丹寧酸同咖啡油都少咗好多，對我鍾意飲有濃濃苦、酸、甜嘅咖啡來講，＜冰滴咖啡＞唔係我心水lu...。
佢杯＜朱古力咖啡＞都好快上場，拉花算漂亮，朱古力味超濃郁，咖啡味倒是一點都沒有，似飲緊朱古力奶。
由點餐到上枱，等了１０分鍾，＜牛油果蕃茄雞肉中東包＞終於來到喇，係我揀呢個中東包時仲覺得好貴架，不過見佢上枱後即時冇咗呢個諗法，仲同友人講唔怪之得等咁耐同咁貴啦，原來有鋼鐵罐裝住滿滿的薯圈，份量多，好熱有薯味且脆脆的，好食！！側邊有Ｄ沙律菜伴碟，好新鮮；到主角塞滿牛油果蕃茄雞肉的中東包，雖然中東包是凍凍的，但煙韌得來都帶點香口，應是佢先烤過餅皮印致，本身唔鍾意食牛油果，但呢個係用牛油果打成汁與Yoghurt均和，食落唔覺有牛油果味而帶點酸，佢撈埋蕃茄一齊食都幾清新，唔膩，而雞肉一定係用雞胸肉，實的的唔嫩，好彩正正我就最鍾意食雞胸肉，令成件中東包加哂分呀，六十幾蚊食得飽砌得又幾靚，即時覺得唔貴喇(如果唔加一的話就叫抵)。
最後係中東包上場後５分鐘上枱嘅＜意大利火腿嫩菠菜沙律＞，份量普通跟外餐廳食的差唔多，材料有BB菠菜，烤南瓜、意大利火腿，parmesan cheese用蘋果黑醋調味，烤南瓜好食，各沙律菜新鮮，與幾片咸咸的意大利火腿同食，原來分量算是啱啱好喎，唔錯。
埋單連加一$245，我地離開後覺得整體來講如果冇加一呢都還可以，但要翻兜嘅話就要諗過先，或者佢再有Ｄ什麼特色野推出啦。
张贴
