幸福週末 (已結業)

疫情影響各行各業，以往每間都大排長龍嘅手搖茶飲店，人潮不復見！怕排隊嘅，而家大好機會支持一下！。Order 時例牌向店員表示少甜少冰，佢話呢啲都冇得另外要求，我當堂個心離一離。因為呢類茶飲，預設嘅甜度、冰嘅數量，一般係好恐怖嘅⋯👉黑糖珍珠咖啡拿鐵 $32 ⭐️⭐️⭐️⭐️⭐️店員遞比我時，細心地提醒飲前要搖勻👌⋯⋯只見到十幾粒冰浮面，頓時大喜（應該係店員小姐好人地幫我少冰了）。搖勻後啜啖，嘩～點解係我想要嘅甜度㗎，啡、奶比例啱啱好，珍珠Q彈⋯真係好耐冇飲過咁正嘅黑糖珍珠咖啡。