一喜日本料理

营业中

休息中

日本之旅結束後，仍然念念不勿當地新鮮刺身，決定要同老公回味一下！店外裝潢已經令你準備投入日本風情！入坐後，店員比左呢個我地，估下係咩？就係店當日新鮮食材！魚，全部都係魚，係呢間店既主打刺身款式！雖然望住d名牌唔知係咩魚打咩魚！但環境已叫我急不及待！店內環境真係令我知道魚既刺身係不可錯過！新鮮魚刺身係必食！上菜前忍唔住要了兩杯飲品，分別蜜糖綠茶同荔枝梳打！兩杯飲落去都好舒服！和風野菜沙律配上左酸甜汁，係食主菜前來一個醒醒胃口，迎接我期待既日本菜！左口魚刺身，師傳刀工好勁，厚薄適中！魚既刺身食得多，但左口魚刺身就第一次，魚質爽甜，一點也不覺得有魚腥味，非常滿足！每一片都好珍貴！難得有幸食到左口魚，當然要來一個大特寫。串燒揀左雞軟骨、帆立貝、雞翼串，每款都好香口。帆立貝大大粒，雞翼串係用我最愛既鹽燒！京都醬油牛肉鍋，牛肉十分嫩，好有日本牛肉香味，配以粉絲、雜菜、菇，好健康！湯底唔咸，又好入味！雜錦天婦羅，有三大隻蝦之外有南瓜、蕃薯、冬菇同矮瓜，脆卜卜，好想再encore