8鍋臭臭鍋 (金巴利道) (已結業)

臭臭臭臭，一啲都唔臭，都幾多嘢食，女仔係會食得飽嘅，男仔應該食唔飽。個湯底好一般，個人覺得唔夠重口味，我叫左唔辣，好後悔，友人叫咗中辣，我唔係好食得辣都食倒。如果大家食得落可以叫大辣，好多菜同埋豆腐，有牛肉同蜆，牛肉不過不失，應該話所有野都不過不失，如果吉野家同臭臭鍋比，我會揀吉野家，😪😪佢哋嘅牛肉質素不相伯仲，而且吉野家有嘢飲，佢叫嘢飲要加20幾蚊，我加左個冬瓜茶，係有台灣嘅感覺。有一點好值得讚，佢個蒜蓉好好食！有一點唔太好，坐喺門口個張枱個叫枱既電腦係旁邊太大聲，大聲到吓親🧐🧐🧐成餐飯食咗＄120，我覺得唔抵食嘅！情願俾多少少錢去食任食打邊爐。