泰國簡單廚房 (已結業)

話說，同事諗住帶我去謝斐道食一間泰國嘢😍，點知間舖頭執咗😱(後尾發現原來係轉咗手，下次會去試下😏)，咁唯有一路行一路諗下食咩好，赫然發現原來同一條街入面仲有一間食泰國嘢嘅小店😳，望落都幾骨子🥰，一於去試下先啦。小店環境比較擠迫😶，但就好乾淨👍，店員亦非常勤快🥰。餐牌嘅款式唔算多，有粉麵類🍜、飯類🍚和泡飯類🥣，比較特別係粉麵類，感覺就好似車仔麵🍜，你可以揀湯、粉麵和餸，基本上包一款餸，額外每款就 +$8。燒豬頸肉(+炸蝦餅)叻沙湯油麵 $68豬頸肉燒得非常好☺️，每塊厚道適中，唔太薄，咬下去有很濃烈的燒烤味道😍，而豬頸肉肉質嫩滑之餘又非常爽彈🥰，非常好食😋。加咗8蚊嘅蝦餅🦐一啲都唔欺場，黄金脆面，香脆彈牙，但可惜嘅係無分開另上🙈，放咗係嗰湯上面，所以表面有少少位腍咗🥲。油麵正常好食，叻沙湯底未算濃郁，但仍有椰香味🤗，另外湯啲辣味係慢慢滲出嚟，但就略嫌辣度不足😅。香茅豬扒清雞湯河粉 $60清湯嘅面層佈滿雞油，雖然證明真材實料係用雞淆出嚟😁，但就感覺好油膩🥲。豬扒普通，唔及豬頸肉出色😔，河粉正常，感覺普普通通😶。招牌串燒飯 $65碟飯未嚟之前我仲怕唔夠飽，點知嚟到嘅時候發現都幾大串下😲。