嘆嘆 (裝修中)

好似唔憂做咁，佢唔係一間餐廳，係間韓國店隔咗勁細個Corner 做台灣嘢，等又等得耐，員工又零指示，等咗超過9個字，話唔等要走喇就有位....入去坐低，位置勁入，員工又唔會留意到，落單又要問，先有人比QR CODE。秒落咗4個下午茶（排隊等太耐識背menu了），等都等好耐，炒蛋都追完又追。最後3個餐都食完，朋友個麵都未嚟，話取消要埋單，佢先送到。但！！跟餐嘅炒蛋都仲未出現......🔸新竹米粉配雞翼：個湯好中式味道，偏油。雞翼中規中矩，米粉偏少，女仔食都唔飽。🔸茉莉綠茶：淡如水，估唔到係純茶無糖。🔸花生醬吐司：層醬搽到超薄，花生碎都無粒，吐司零脆 & 唔熱，咬落靭。🔸古早沙茶牛肉公仔麵：個麵好淋，煮到個湯都好杰，味道還好。🔸跟餐嘅炒蛋：全枱最正常，好甜，牛油味重。總括而言，無下次，味道唔合格，等嘅時間太耐。員工唔少，但做乜都好唔上心咁，乜都係踢一下郁一下。全間餐廳9成位係屬於韓國餐廳，得1成位係台灣，所以勁少枱，然後上菜又慢，所以門口一直要排勁耐隊.....差唔多價錢，食茶記一定好好多。應該出邊食完兩間餐廳都未等到佢上齊嘢食。