大家樂 (葵涌廣場)

营业中

休息中

呢餐邊爐都係一個禮拜之前既事，果日唔知食乜好。就黎左呢間食啦，呢間都幾耐無黎過。仲要裝過修，個格局都好睇。係咁既就食一哥火鍋，因為真係唔知有咩食。一哥火鍋今次有豆乳湯底，其實個湯都幾清甜。好重豆味，美中不足既係個湯底唔夠濃。講下配料先，牛肉好新鮮同肥瘦均勻。但份量太少啦，得五塊。而蝦滑就幾新鮮，好好食。有一樣野要提既係，佢地係用百福豆腐，好滑好好味。而蔬菜方面就無乜特別，又係果幾種啦。整體上都幾新鮮，四十幾蚊食得過既。今年特別既係，有得另外加配料。我就加左一份響玲，幾好食架。浸湯到唔錯既，但只得兩大份。青檸梳打冰青檸味好重，又唔會太甜。一杯幾正既飲品黎架。呢餐都唔錯既，唔算太貴。不過唔知係唔係唔夠人做野，加水叫左好耐先有人到。